وزیراعلیٰ پنجاب پرویزالہٰی اعتماد کا ووٹ لینے میں کامیاب

سیکریٹری پنجاب اسمبلی کے مطابق آرٹیکل 130 کی شق نمبر 7 کے تحت وزیراعلیٰ اعتماد کا ووٹ لیا، ایوان میں وزیراعلیٰ کے لیے اعتماد کے ووٹ کے لیے کارروائی شروع ہوئی ، پنجاب اسمبلی میں گھنٹیاں بجائی گئ ،

پنجاب اسمبلی کے تمام دروازے بند کردیے گئے ، ایوان میں اپوزیشن کا ہنگامہ بھی ہوا ۔ اس سے پہلے ایک بیان میں  ڈپٹی اسپیکر پنجاب اسمبلی واثق قیوم نے کہا ہے کہ آج ہم نے اپنے نمبرز پورے ظاہر کردیے ہیں۔، واثق قیوم نے کہا کہ کہا جارہا تھا کہ ہمارے پاس نمبرز پورے نہیں ہیں تو ہم نے سوچا کہ ان کو آج نمبرز پورے کرکے دکھاتے ہیں۔
انہوں نے کہا کہ آج قرار داد بھی آسکتی ہے کہ پورا ایوان وزیراعلیٰ پر اعتماد کا اظہار کرتا ہے، متوقع قرار داد اعتماد کے ووٹ کی کارروائی نہیں ہوگی۔

ڈپٹی اسپیکر پنجاب اسمبلی نے مزید کہا کہ اگر 186 سے زائد ارکان قرارداد میں گن لیے گئے تو وزیراعلیٰ کو اعتماد تو مل جائے گا۔ ان کا کہنا تھا کہ قرارداد کے ذریعے ارکان کوگنا جاسکتا ہے، حافظ عمار یاسر ایوان میں آگئے ہیں، ہمارے پاس ایک اور سرپرائز ہے۔