پرنس فلپ کی آخری رسومات 17 اپریل کو ادا کی جائیں گی

غیر ملکی خبررساں ادارے کے مطابق   پرنس فلپ کی آخری رسومات سینٹ جارج گرجا گھر ونڈسر پیلس میں ادا کی جائیں گی، پرنس فلپ کی آخری رسومات 17 اپریل کو ادا کی جائیں گی، شہزادہ ہیری شرکت کریں گے۔

شاہی خاندان کے مطابق  آخری رسومات میں شرکت کرنے والوں کی تعداد 30 تک محدود رکھی جائے گی، ملکہ برطانیہ سمیت شاہی خاندان کے افراد ماسک پہن کر آخری رسومات میں شرکت کریں گے۔شہزادہ ہیری آخری رسومات میں آئیں گے، میگھن امید سے ہونے کی وجہ سے سفر نہیں کر سکتیں۔

ملکہ الزبتھ دوم کے شوہر کا 99 سال کی عمر میں جمعہ کو انتقال ہوا ، پرنس فلپ کی وفات پر 8 روزہ قومی سوگ کا اعلان کیا گیا ہے، لندن میں بکنگھم پیلس کے باہر لوگ جمع ہو کر پرنس سے اپنی محبت کا اظہار کر رہے ہیں۔عوام کے لیے تعزیتی پیغامات درج کرنے کیلئے آن لائن تعزیتی کتاب بھی موجود ہے۔