پاکستان
چیف الیکشن کمشنر کی زیرصدارت اجلاس، صدر مملکت کے مراسلہ پر غور
چیف الیکشن کمشنر سکندر سلطان راجہ کی زیرصدارت اہم اجلاس ہوا،جس میں ممبران الیکشن کمیشن، سیکرٹری و دیگر سینئرافسران نے شرکت کی۔
![چیف الیکشن کمشنر کی زیرصدارت اجلاس، صدر مملکت کے مراسلہ پر غور](/media/48589/conversions/139507251056228838954234-1280x720.jpg)
اعلامیہ کے مطابق اجلاس میں صدر مملکت کی طرف سے بھیجے گئے مراسلہ پر غور کیا گیا،خط کے آئینی اور قانونی مضمرات، گورنر کے اختیارات اور الیکشن کمیشن کی آئینی و قانونی ذمہ داریوں پر بھی غور کیا گیا،اجلاس میں وزارت داخلہ کے خط پر بھی غور کیا گیا۔
اعلامیہ کے مطابق خط میں ملک میں امن و امان کی خراب صورتحال اور دہشتگردی کیخلاف جنگ کے حوالے سے بتایا گیا تھا، وزارت داخلہ خط کے مطابق سیکیورٹی حالات کے مدنظر الیکشن کے دوران پاک فوج اور سول آرمڈ فورسز کی ڈیوٹی ممکن نہیں۔
اجلاس میں فنانس ڈویژن کی طرف سے الیکشنز کے انعقاد کیلئے مطلوبہ فنڈز کی عدم دستیابی پر بھی غور کیا گیا، اجلاس میں چیف سیکرٹری پنجاب اور خیبر پختونخوا، آئی جی پنجاب اور خیبر پختونخوا کی طرف سے پیش کئے گئے سیکیورٹی خدشات اور دیگر عوامل پر بھی غور کیا گیا۔
پاکستان
راستوں کی بندش کے باعث پی ٹی آئی جلسہ تاخیر کا شکار
دوسری جانب شاہ اللہ دتہ کے مقام پر پی ٹی آئی کارکنوں نے کنٹینرز ہٹا دیئے، گاڑیوں کی ٹکر سے کنٹینرز سڑک سے نیچے گرا دیئے، کنٹینرز سڑک سے ہٹا کر مارگلہ ایوینیو کھول دیا گیا، مارگلہ ایوینیو سے ٹریفک سنگجانی کی جانب رواں دواں ہے
![راستوں کی بندش کے باعث پی ٹی آئی جلسہ تاخیر کا شکار](/media/117627/conversions/836111_38064364-1280x720.jpg)
اسلام آباد کے علاقے سنگجانی میں پاکستان تحریک انصاف کا پنڈال سج گیا، راستوں کی بندش کے باعث جلسہ تاخیر کا شکار جبکہ موبائل فون اور انٹر نیٹ سروس معطل کی گئی ۔
اسلام آباد پولیس کی جانب سے سکیورٹی کے سخت انتظامات کیے گئے ہیں، وفاقی دارالحکومت کے مختلف داخلی اور خارجی راستے کنٹینرز لگا کر بند کردیے گئے۔
جلسہ گاہ کی سکیورٹی کے لیے موبائل فون اورانٹرنیٹ کی سروس کو ڈاؤن کردیا گیاجبکہ میٹرو بس بند ہونے سے شہریوں کو مشکلات کا سامنا ہے۔
دوسری جانب شاہ اللہ دتہ کے مقام پر پی ٹی آئی کارکنوں نے کنٹینرز ہٹا دیئے، گاڑیوں کی ٹکر سے کنٹینرز سڑک سے نیچے گرا دیئے، کنٹینرز سڑک سے ہٹا کر مارگلہ ایوینیو کھول دیا گیا، مارگلہ ایوینیو سے ٹریفک سنگجانی کی جانب رواں دواں ہے۔
پی ٹی آئی قیادت کو راستے میں رکاوٹوں کے باعث جلسہ گاہ پہنچنے میں تاخیر کا سامنا ہے، کارکنان ہزاروں کی تعداد میں موجود ہیں۔
بیرسٹر گوہر علی کا کہنا تھا کہ آج کا جلسہ تاریخی ہونے جا رہا ہے، جلسہ ایک گھنٹے تک شروع ہو جائے گا۔
پشاور روڈ پر 26 نمبر چونگی تھوڑی دیر کھولنے کے بعد پھر بند کردی گئی، موٹروے سے آنے والی ٹریفک کا 26 نمبر چونگی سے اسلام آباد داخلہ بند ہے، فیض آباد، راولپنڈی سٹیڈیم روڈ اور آئی جی پی سے نائنتھ ایونیو بھی تاحال بند ہے۔
آئی جے پی روڈ سے متصل داخلی گلیوں پر رکاوٹیں کھڑی کردی گئیں، بعض مقامات پر شہریوں نے کنٹینرز پیچھے دھکیل دیئے ،راستوں کی بندش کے باعث جڑواں شہروں میں لوگوں کو شدید مشکلات کا سامنا ہے۔
وزیر اعلی خیبرپختونخوا علی امین گنڈا پور بھی پشاور سے اسلام آباد کے لیے روانہ ہو گئے، وزیر اعلیٰ قافلوں کے پیچھے پیچھے جارہے ہیں۔
پولیس نے دعویٰ کیا ہے کہ جلسہ گاہ کے قریب سے بارودی مواد برآمد ہوا جو کہ بم ڈسپوزل سکواڈ نے قبضے میں لے لیا۔
ٹیکنالوجی
ایلون مسک نے خلا میں بھی پوزیشن مضبوط کرلی
تیز رفتار انٹرنیٹ اور ٹیلی فون کنیکٹیویٹی فراہم کرنے والا سٹار لنک کانسٹیلیشن 102 ملکوں میں فعال ہے اور اِس کے صارفین کی تعداد 30 لاکھ سے زیادہ ہے
![ایلون مسک نے خلا میں بھی پوزیشن مضبوط کرلی](/media/117645/conversions/1087159_9569039_3_updates-1280x720.jpg)
ٹیسلا، سپیس ایکس اور ایکس کے مالک ایلون مسک نے زمین کے ساتھ ساتھ خلا میں بھی اپنی پوزیشن مضبوط کرلی ہے۔ معلوم ہوا ہے کہ وہ اس وقت زمین کے مدار میں گردش کرنے والے دو تہائی مصنوعی سیاروں کو کنٹرول کر رہے ہیں۔
مصنوعی سیاروں سے متعلق معلومات رکھنے والے گروپ سیلس ٹریک نے تبایا ہے کہ ایلون مسک کی کمپنی اسپیس ایکس 62 فیصد فعال سیٹلائٹس کو کنٹرول کر رہی ہے۔ ان کی تعداد 6370 ہے۔
اسپیس ایکس نے 2019 میں اپنا پہلا سیٹلائٹ لانچ کیا۔ اس کے بعد سے وہ یومیہ 3 کے اوسط سے مصنوعی سیارے زمین کے مدار میں بھیج رہی ہے۔ایلون مسک کے زیرِتصرف مصنوعی سیاروں کی تعداد برطانوی حریف ادارے وین ویب کے مصنوعی سیاروں کی تعداد سے 10 گنا ہے۔
تیز رفتار انٹرنیٹ اور ٹیلی فون کنیکٹیویٹی فراہم کرنے والا سٹار لنک کانسٹیلیشن 102 ملکوں میں فعال ہے اور اِس کے صارفین کی تعداد 30 لاکھ سے زیادہ ہے۔
سپیس ایکس 42 ہزار سیٹلائٹس لانچ کرنا چاہتا ہے۔ اقتصادی اور انٹرنیٹ سے متعلق پابندیوں کے باعث ایران، شمالی کوریا، چین، افغانستان، روس اور شام کو سپیس ایکس کی فہرست سے فی الحال باہر رکھا گیا ہے۔
پاکستان
نجی ٹی کے سابق نیوز اینکر عبداللہ ٹریفک حادثے مٰیں جاں بحق
پولیس کے مطابق شارع فیصل آواری ٹاور کے قریب کار حادثے میں جاں بحق جوان کی شناخت عبداللہ کے نام سے ہوئی
![نجی ٹی کے سابق نیوز اینکر عبداللہ ٹریفک حادثے مٰیں جاں بحق](/media/117644/conversions/news-1725816966-7563-1280x720.jpg)
ٹریفک حادثے میں نجی ٹی کے سابق نیوز اینکر عبداللہ جاں بحق ہوگئے۔
پولیس کے مطابق شارع فیصل آواری ٹاور کے قریب کار حادثے میں جاں بحق جوان کی شناخت عبداللہ کے نام سے ہوئی،حادثے میں جاں بحق ہونے والے عبداللہ نجی ٹی وی سابق نیوز اینکر تھے،ریسکیو حکام کے مطابق ٹریفک حادثے کے بعد عبداللہ کی لاش اسپتال میں منتقل کی گئی،پولیس کا کہنا ہے کہ حادثے سے متعلق مزید تفتیش جاری ہے۔
-
پاکستان 9 گھنٹے پہلے
جلسہ ختم نہ کرنے پر پی ٹی آئی کے خلاف ایکشن شروع
-
پاکستان 2 دن پہلے
سپریم کورٹ نے نیب ترامیم بحال کر دیں
-
پاکستان 13 گھنٹے پہلے
پی ٹی آئی رہنما محمود الرشید کا بیٹا گرفتار، پولیس کی شرکاء کووارننگ
-
پاکستان 5 گھنٹے پہلے
نجی ٹی کے سابق نیوز اینکر عبداللہ ٹریفک حادثے مٰیں جاں بحق
-
تجارت ایک دن پہلے
سونے کی قیمت میں فی تولہ 2 ہزار روپے کی کمی!
-
پاکستان ایک دن پہلے
بانی پی ٹی آئی نے عمرا یوب کا استعفی کا منظور کر لیا
-
پاکستان 10 گھنٹے پہلے
راستوں کی بندش کے باعث پی ٹی آئی جلسہ تاخیر کا شکار
-
دنیا 2 دن پہلے
امریکی صدر کے بیٹے ہنٹر بائیڈن کا ٹیکس چوری کا اعتراف