تمام سرکاری زمین بیچ دیں توقرض چار بارادا ہو جائےگا

کراچی میں تقریب سے خطاب کرتے ہوئے شبر زیدی نے کہا کہ تمام سرکاری زمین بیچ دیں توقرض چار بارادا ہو جائےگا، آئی ایم ایف کا کہنا ہے ہم سے قرض لے کر چین کو ادائیگیاں نہ کریں۔

انہوں نے کہا کہ دیوالیہ ہوچکا اب بہت زیادہ فرق نہیں پڑنا، روس اور یوکرین نے ڈیفالٹ کیا، تو کوئی آفت نہیں آنی، جن ممالک نے ڈیفالٹ کیا ترقی کی۔

سابق چیئرمین ایف بی آر کا کہنا تھا کہ ہر 5 سال بعد جاری کھاتوں کا خسارہ اور مہنگائی کا طوفان آتاہے، ہماری 1970 سے امپورٹ پر مبنی معیشت ہے، سارے معیشت دان نالائق ہیں یا منافق ہیں، اس بارنیا یہ ہے کہ فارن پالیسی معاملات سے پیسے نہیں بن رہے،  کیا مسلم لیگ کے پاس پاکستان بنانے سے پہلے معاشی پلان تھا؟5 سال میں پاکستان کا کیا مستقبل ہے، یہ عمران خان بتائیں گے یاشہباز شریف؟کیا سوشل میڈیا پر بیٹھ کر معاشی پالیسیاں بنیں گی؟

انہوں نے مزید کہا کہ کرپشن کا 85 فیصدحصہ بزنس مینوں کے پاس جاتا ہے، کرپٹ بزنس مینوں نے نواز شریف کو 1992 میں وزیر اعظم بنایا، سب کی یورپ اور امریکا میں پراپرٹیز ہیں، یہ میرا کیا ہوا کام ہےکہ اب ڈالر لینے سے پہلے پوچھا جاتا ہے جب کہ حوالے کو کوئی مائی کا لال نہیں روک سکتا، حوالےکے پیسےکراچی میں کہاں سے ملتے ہیں سب کومعلوم ہے۔

شبیر زیدی کا کہنا تھا کہ عمرہ زیارات پر 2 ارب ڈالر خرچ ہوتا ہے، غیر ملکی ائیر لائنز کو بند کیا جائے، سی پیک کی لال بتی کچھ نہیں ہے، اسے بند کریں، تیل کا بیج پاکستان میں اگائیں اور بجلی میں 3 ارب ڈالر بچائیں۔

انہوں نے کہا کہ ساری پارٹیاں الیکشن میں پنڈی کی حمایت چاہتی ہیں،  فوج اور تمام سیاسی جماعتوں کو بیٹھنا ہوگا۔