جیل بھرو تحریک میں مرحلہ وار گرفتاریاں دینے کا فیصلہ

پاکستان تحریک انصاف کا جیل بھرو تحریک کا طریقہ کار طے پا گیا، چیئرمین تحریک انصاف نے جیل بھرو تحریک کے فوکل پرسن اعجاز چودھری کو تمام صوبائی اور ڈویژن کے صدور سے ڈیٹا لینے کی ہدایت کر دی۔

ذرائع کے مطابق چیئرمین پی ٹی آئی عمران خان کی جانب سے اعلان ہوتے ہی پہلے مرحلے میں لاہور سے 200 کارکنان اور 5 قائدین گرفتاریاں دیں گے۔ روزانہ کی بنیاد پر ایک شہر سے گرفتاریاں پیش کی جائیں گی۔

دوسرے مرحلے میں پشاور شہر سے تحریک انصاف کے 200 کارکنان اور 5 لیڈرز جیل جائیں گے۔ بڑے شہروں سے کم از کم 3 ہزار کارکنان جیل بھرو تحریک کا حصہ ہوں گے۔