پر تشدد مظاہروں سے کیسے نمٹا جائے ، پنجاب حکومت کی گائیڈ لائنز جاری

تفصیلات کے مطابق  پنجاب حکومت نے دھرنوں اور پرتشدد مظاہروں سے نمٹنے کیلئے نو نکاتی پالیسی جاری کردی ہے،  وزیراعلی پنجاب  کی ہدایت کے بعد صوبائی سب کمیٹی برائے داخلہ نے پالیسی گائیڈ لائن جاری کی۔

پنجاب حکومت کا جاری  کردہ   پالیسی گائیڈ لائنز میں کہنا ہے کہ  ریاست کی عمل داری ہر صورت یقینی بنائی جائےگی، سڑکوں کی  بندش کسی صورت قابل قبول نہیں ہوگی،  مظاہرین کے خلاف فوری مقدمات درج کیے جائیں،  مظاہرین کے سہولت کاروں کی نشاندہی کر کے ان کے خلاف قانونی کاروائی کی جائے گی۔

ذرائع محکمہ داخلہ کا کہنا ہے کہ مظاہرین کی قیادت کو فوری گرفتار کیا جارہا ہے،  گرفتار ہونے والوں کودوردرازکے اضلاع میں منتقل کیا جائے گا اور  مظاہرین کے خلاف کوئی بھی درج کیا جانے والا مقدمہ واپس نہیں لیا جائے گا۔