مذہبی جماعت کا پر تشدد احتجاج، دہشتگردی کی دفعات کے تحت مقدمات درج

تفصیلات کے مطابق  شہر میں مذہبی جماعت کے کارکنوں کا احتجاج اور توڑ پھوڑ کے  معاملے پر  شہر کے مختلف تھانوں میں احتجاج کرنے والے مظاہرین کے خلاف مقدمات درج کر لیے گئے ہیں ۔

پولیس کے مطابق  مقدمے میں دہشتگردی،  اغوا،  توڑ پھوڑ،  کارسر کار میں مداخلت سمیت دیگر سنگین دفعات لگائی گئی ہیں ۔ پولیس نے متعدد مظاہرین کو بھی حراست میں لیا ہے۔ مذہبی جماعت کے احتجاج سے ٹریفک کا نظام بھی بری طرح تاثر ہے۔

پولیس کا کہنا ہے کہ  مظاہرے کے دوران چالیس اہلکار زخمی اور ایک شہید ہوا ہے۔

اس سے قبل  وزیر داخلہ شیخ رشید کی زیر صدارت امن اومان کی صورتحال پر اجلاس ہوا ، اجلاس میں وفاقی وزیر مزہبی امور، چیف کمشنر اور آئی جی نے شرکت کی جبکہ چیف سیکرٹری اور آئی جی پنجاب نے وڈیو لنک کے ذریعے شرکت کی ۔

اجلاس میں مذہبی جماعت کی جانب سے احتجاج کی صورتحال کا جائزہ لیا گیااورقانون توڑنے والوں سے سختی سے نمٹنے کا فیصلہ کیا گیا۔

وزیر داخلہ شیخ رشید کی جانب سے حتمی فیصلہ کیا گیا کہ راستوں کو کھلوانے کے لئے تمام اقدامات کئے جائیں۔ جہاں حالات خراب ہوں گے وھاں 24گھنٹے کے لئے موبائل انٹرنیٹ سروس بند ہو گی۔

واضح رہے کہ گزشتہ روز سے جاری مذہبی جماعت کے احتجاج کے باعث لاہور کی کئی شاہراہیں اور چوک بند ہیں  ۔