ملک بھر میں فی تولہ سونے کی قیمت میں بڑی کمی ریکارڈ

تفصیلات کے مطابق بین الاقوامی مارکیٹ میں فی اونس سونے کی قیمت 8 امریکی ڈالر اضافے کے بعد 2009 امریکی کرنسی ہو گئی ہے۔

عالمی مارکیٹ میں قیمتیں بڑھنے کے برعکس ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی ، ملتان سمیت دیگر جگہوں پر فی تولہ سونے کی قیمت میں تیس روپے کی کمی ریکارڈ کی گئی اور نئی قدر 2 لاکھ 18 ہزار روپے ہو گئی ہے۔

فی تولہ سونے کی طرح دس گرام سونے کی قدر میں بھی 257 روپے کی تنزلی دیکھی گئی اور نئی قیمت 186900 روپے ہو گئی ہے۔

اُدھر فی تولہ اور دس گرام چاندی کی قیمتوں میں استحکام ریکارڈ کیا گیا اور قیمتیں بالترتیب 2520 روپے اور 2160.50 روپے ہو گئی ہے۔