اسلام آباد میں درج مقدمے میں عمران خان کی حفاظتی ضمانت منظور

لاہور ہائیکورٹ نے اسلام آباد کے تھانہ رمنا کے مقدمے میں 26 اپریل تک عمران خان کی حفاظتی ضمانت منظور کرلی۔ لاہورہائیکورٹ میں عمران خان کی حفاظتی درخواست ضمانت پرجسٹس علی باقر نجفی نے سماعت کی

 عمران خان نے تھانہ رمنہ اسلام آباد میں درج مقدمے میں حفاظتی ضمانت کے لیے لاہور ہائیکورٹ میں درخواست دائر کی،چیئرمین پی ٹی آئی نے استدعا کی کہ مجھ پر غداری سمیت سنگین دفعات کے تحت خلاف قانون مقدمہ درج کیا گیا۔

عمران کان کا کہنا تھا کہ مجھے سیاسی انتقام کا نشانہ بنایا جا رہا ہے، عدالت حفاظتی ضمانت منظور کرے اور متعقلہ عدالت سے رجوع کرنے کےلیے مناسب وقت فراہم کرے۔، لاہور ہائیکورٹ نے عمران خان کی 26 اپریل تک حفاظتی ضمانت منظور کر لی۔