افغان وزیر خارجہ کو دورہ پاکستان کی اجازت مل گئی

اقوام متحدہ کی سلامتی کونسل کی کمیٹی نے طالبان حکومت کے نگران وزیر خارجہ امیر خان متقی کو پاکستان اور چین کے وزرائے خارجہ سے ملاقات کے لیے آئندہ ہفتے پاکستان آنے کی اجازت دے دی۔

غیر ملکی میڈیا کے مطابق پاکستان کے اقوام متحدہ کے مشن نے افغانستان کے نگران وزیر خارجہ کو پاکستان اور چین کے وزرائے خارجہ  کے ساتھ ملاقات کےلئے سفری پابندی سے استثنیٰ دینے کی درخواست کی تھی۔

طالبان کے نائب ترجمان بلال کریمی نے توقع ظاہر کی کہ دوحا میں سیکرٹری جنرل اقوام متحدہ کی زیرصدارت اجلاس میں افغانستان سے پابندیاں ہٹانے کی راہ ہموار ہوگی، افغانستان کے منجمد اثاثے جاری کرنے پر بھی بات ہونی چاہیے۔