روپے کے مقابلے ڈالر کی قیمت میں اضافہ

کراچی: ملک میں جاری غیر یقینی سیاسی صورتحال کے اثرات ملکی کرنسی پر پڑنے لگے، ایک مرتبہ پھر امریکی ڈالر کی قیمت کا اضافہ ریکارڈ کیا گیا۔

سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے چوتھے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 22 پیسے کا مزید اضافہ ریکارڈ کیا گیا۔

اعداد و شمار کے مطابق انٹر بینک میں روپے کے مقابلے میں امریکی ڈالر کی قیمت 285 روپے 40 پیسے سے بڑھ کر 285 روپے 62 پیسے ہو گئی ہے۔

دوسری طرف اوپن مارکیٹ میں امریکی ڈالر کی قیمت 300 روپے سے تجاوز کر گئی ہے۔