کرکٹ ٹیم کی کپتان ندا ڈار کی والدہ انتقال کر گئیں

لاہور: پاکستان ویمن کرکٹ ٹیم کی کپتان ندا ڈار کی والدہ انتقال کر گئیں۔

پاکستان کرکٹ بورڈ (پی سی بی) نے ندا ڈار کی والدہ کے انتقال پر گہرے دکھ کا اظہار کیا ہے۔

پاکستان کرکٹ بورڈ کی مینجمنٹ کمیٹی کے چیئرمین نجم سیٹھی نے کہا کہ ندا ڈار کی والدہ کے انتقال کی خبر سن کر دکھ ہوا۔

ان کا مزید کہنا تھا کہ مشکل کی اس گھڑی میں پی سی بی ندا ڈار کے اہل خانہ سے تعزیت کرتا ہے۔

خاندانی ذرائع نے بتایا کہ ندا کی والدہ گزشتہ کچھ دنوں سے شدید بیمار تھیں۔ نماز جنازہ آج (جمعرات) بعد نماز عصر ادا کی جائے گی۔

ندا ڈار کو اپریل 2023 میں پاکستان ویمن ٹیم کی کپتان مقرر کیا گیا تھا۔