سابق ممبر صوبائی اسمبلی ملک خرم علی خان نے بھی پی ٹی آئی کو خیر باد کہہ دیا

پاکستان تحریک انصاف کے سابق ممبر صوبائی اسمبلی ملک خرم علی خان نے پی ٹی آئی چھوڑنے کا اعلان کردیا۔نیشنل پریس کلب میں پریس کانفرنس کے دوران انہوں نے پارٹی سے علیحدگی کا اعلان کرتے ہوئے کہا کہ اُس بیانیے کے ساتھ نہیں چل سکتے جو اینٹی پاکستان یا اینٹی آرمی ہو۔ ہماری سیاست ہمیشہ عدم تشدد پر مبنی رہی ہے۔

ملک خرم علی خان کا کہنا تھا کہ 2013 میں ٹکٹ نہ ملنے کے باوجود پی ٹی آئی کے ساتھ سفر جاری رہا۔ دوست احباب سے مشاورت کے بعد پی ٹی آئی چھوڑنے کا فیصلہ کیا ہے۔ علاقے کی بہتری کیلئے اپنی سیاست جاری رکھیں گے۔