مریم نواز نے دورہ کراچی منسوخ کر دیا

تفصیلات کے مطابق مسلم لیگ (ن) کی نائب صدر مریم نواز نے دورہ کراچی ملتوی کردیا۔جس کی تصدیق مسلم لیگ (ن) کی ترجمان مریم اورنگزیب کی جانب سے کی گئی ہے۔

ذرائع  کا کہنا ہے کہ کورونا وبا سے عوام کی زندگیوں کو لاحق سنگین خطرات کے پیش نظر دورہ منسوخ کیاگیا ہے  ،عوام اور کارکنان کی زندگیوں کے تحفظ اور کورونا سے بچاو کی خاطر یہ فیصلہ کیاگیا ہے۔

مریم نواز کا سابق وزیر اعظم  نواز شریف سے ٹیلیفونک رابطہ ہوا جس میں نواز شریف نے مریم نواز کو  کراچی دورہ منسوخ  کرنے کی ہدایت کی ۔

یاد رہےکہ آج شام مریم نواز کو دو روزہ دورے پر کراچی پہنچنا تھا جہاں انہیں این اے 249 کے ضمنی الیکشن کی مہم کے سلسلے میں ریلی سے خطاب کرنا تھا جب کہ اتوار کے روز ان کی پارٹی رہنماؤں سے ملاقاتیں بھی شیڈول تھیں