ایک ہفتے میں صورتحال بہترنہ ہوئی تومکمل لاک ڈائون کی طرف جائیں گے: فواد چوہدری

تفصیلات کے مطابق وفاقی وزیر فواد چودھری نے نیوز کانفرنس کرتے ہوئے کہا کہ کورونا نے تباہی مچائی ہے,پوراہندوستان تباہ ہورہاہے,حالات قابومیں نہیں آرہے ہیں، حکومت پاکستان کی طرف سے نیک خواہشات کااظہارکیاگیا ہے،مشکل وقت میں پاکستان کی عوام بھارت کے ساتھ ہے۔

ہمیں بھی احتیاط کی ضرورت ہے،آکسیجن کی کمی میں سپلائی چین اہم ہوتی ہے، بھارت میں سترہ ہمارے ہاں گیارہ فیصدہے۔کراچی میں کورونا کم ہے یہ امید کی کرن ہے۔اس وجہ سے سپلائی لائن بحال ہے۔لاہورملتان میں آئی سی یوزمیں جگہ فل ہوچکی ہے ۔گوجرانوالہ ملتان میں بھی کافی حدتک وینٹیلیٹرزکی گنجائش ختم ہورہی ہے۔کے پی میں کورناکی ریشوتشویشناک ہے۔بلوچستان میں بھی بہترصورتحال ہے۔ہم مکمل لاک ڈائون نہیں کرسکتے ۔ہماری معیشت پربرے اثرات مرتب ہوتے ہیں ہم سب نے ایس اپیزکوفالونہیں کیاتومعیشت پیچھے رہ جائیگی۔

کورونا سے مرنے والوں کی تعداد میں اضافہ ہوتا جا رہا ہے، ایس او پیز پر 21 فیصد عملدرآمد ہو رہا ہے، ہماری 79 فیصد آبادی ایس او پیز پر عملدرآمد نہیں کر رہی، شام کے وقت کھانے پینے کے میلے ٹھیلے لگ جاتے ہیں۔

ہم چاہتے ہیں کہ چیزیں بہتری کی طرف جائیں ،ایک ہفتے میں صورتحال بہترنہ ہوئی تومکمل لاک ڈائون کی طرف جائیں گے۔

فواد چودھری کا کہنا تھا کہ بھارت میں آکسیجن کی شدید قلت پیدا ہوگئی ہے، بھارت میں کورونا کے باعث صورتحال خراب ہے، مشکل وقت میں پاکستان کے عوام بھارت کے ساتھ ہیں، پاکستان میں دستیاب آکسیجن 90 فیصد استعمال ہو رہی ہے، بھارت میں کیسز کی شرح 17، پاکستان میں 11 فیصد ہے، ہمارے اپنے حالات بھی اطمینان بخش نہیں، ڈلیوری کمپنیز کیلئے حکومت خصوصی مراعات کا اعلان کر رہی ہے، لوگ خریداری کیلئے ڈلیوری سروسز سے استفادہ کریں۔

وفاقی وزیر نے مزید کہا کہ مریم نوازکے کراچی کے دورے کی منسوخی خوش آئیند ہے۔  کالعدم جماعت کے معاملے کو سلجھانے سے سیاسی استحکام آیا، اپوزیشن جماعتیں کالعدم جماعت کے معاملے پر سیاست نہ کریں۔