وزیرِ اعظم شہباز شریف نے کیپٹن کرنل شیر خان شہید (نشانِ حیدر) روڈ (سابقہ IJP روڈ) کی ازسر نو تعمیر کے منصوبے کا افتتاح کیا

اسلام آباد: وزیرِ اعظم شہباز شریف نے کیپٹن کرنل شیر خان شہید (نشانِ حیدر) روڈ (سابقہ IJP روڈ) کی ازسر نو تعمیر کے منصوبے کا افتتاح کر دیا۔

بدھ کو افتتاحی تقریب میں وفاقی وزیر داخلہ رانا ثناء اللہ ، وفاقی وزیر اطلاعات و نشریات مریم اورنگزیب ، وزیر اعظم کے معاون خصوصی احد چیمہ، رکن قومی اسمبلی طاہرہ اورنگزیب، سابق ارکان قومی اسمبلی حنیف عباسی، ڈاکٹر طارق فضل چوہدری، ملک ابرار، انجم عقیل خان، ملک شکیل اعوان اور مسلم لیگ (ن) کے رہنماؤں کے علاوہ چیئرمین سی ڈی اے نور الامین مینگل اور کمشنر راولپنڈی لیاقت چٹھہ اور دیگر متعلقہ محکموں کے افسران اور اہلکاروں نے شرکت کی۔

وزیرِ اعظم کو اس منصوبے سے متعلق تفصیلی بریفنگ بھی دی گئی۔

سابقہ آئی جے پی روڈ کا نام تبدیل کر کے کیپٹن کرنل شیرخان شہید رکھ دیاگیاہے۔9.8کلومیٹر طویل سڑک فیض آباد سے پیر ودھائی موڑ (پشاور موڑ راولپنڈی) تک از سر نو تعمیر کی گئی ہے۔ اس منصوبے میں 2 اوور ہیڈبرج بنائے گئے ہیں۔ منصوبہ سابق دور حکومت میں تعطل کاشکار رہا۔

موجودہ حکومت کے برسر اقتدار آنے کے بعد اس پر کام تیز کر کے وزیراعظم محمد شہباز شریف کی خصوصی ہدایت پر ریکارڈ مدت میں مکمل کیا گیا ہے۔ کیپٹن کرنل شیر خان شہید روڈ کی تعمیر سے فیصل آباد سے پیر ودھائی موڑ تک ٹریفک کے بہائو میں بہتری آئی گی اور راولپنڈی اسلام آباد کے درمیان اشیا اور سامان کی نقل و حمل میں آسانی ہو گی۔ ہیوی ٹریفک کی وجہ سے پہلے یہ روڈ گھنٹوں بلاک رہتا تھا۔ اس منصوبے کی تکمیل سے عوام کا دیرینہ مسئلہ ہو گیا۔