ایمینیم کی بڑی بیٹی الائنا سکاٹ نے شادی کر لی

ریپر ایمینیم (ایم اینڈ ایم)  کی سب سے بڑی بیٹی الائنا سکاٹ نے اپنے دیرینہ بوائے فرینڈ میٹ مولر سے شادی کر لی۔

یہ تقریب 9 جون کو ڈیٹرائٹ میں ہوئی جس میں قریبی خاندان کے افراد نے شرکت کی۔ الائنا سکاٹ نے اپنے انسٹاگرام پر اپنی شادی کی تصاویر  کی ہیں جو تیزی کے ساتھ وائرل ہو رہی ہیں۔

تصاویر میں میاں بیوی کو چھت پر بوسہ دیتے ہوئے اور پھر ایک لفٹ میں، ونٹیج کار میں ایک دوسرے کو گلے لگاتے اور شادی کی انگوٹھیاں پہناتے ہوئے دیکھاجاسکتا ہے۔ دونوں نے سات سال سے زیادہ ڈیٹنگ کے بعد دسمبر 2021 میں منگنی کی تھی۔

پیپل میگزین کی ایک رپورٹ کے مطابق ایلینا سکاٹ ایمنیم کی سابقہ ​​بیوی کم سکاٹ کی جڑواں بہن ڈان کی بیٹی ہے۔

ریپر نے الائنا کو گود لیا اور یہ انکشاف 2004 میں رولنگ سٹون کے ساتھ ایک انٹرویو میں کیا تھا۔ الائنا سکاٹ کے علاوہ ایمینیم کی دو اور بیٹیاں بھی ہیں۔