کاپی رائٹس کی خلاف ورزی پر میوزک کمپنیوں کا ٹویٹر کے خلاف مقدمہ

نیشنل میوزک پبلشرز ایسوسی ایشن(این ایم پی اے) نے  ٹوئٹر ان کارپوریشن کے خلاف مقدمہ کر دیا جس پر الزام ہے کہ وہ بغیر اجازت کے اپنے پلیٹ فارم پر موسیقی کا استعمال کرکے گیت لکھنے والوں کے کاپی رائٹ کی خلاف ورزی کررہا ہے۔ ٹوئٹر واحد بڑا سوشل میڈیا پلیٹ فارم ہے جو مالکان کو موسیقی کے حقوق ادا نہیں کرتا ۔

امریکہ میں گیت لکھنے والوں کی سرکردہ تنظیم، این ایم پی اے، جس کی ممبر بعض بڑی میوزک کمپنیاں ہیں، اس عدالتی اعلامیہ کی تلاش میں ہے کہ ٹوئٹر نے تقریبا 1700 گانوں کے لئے کاپی رائٹ کی جان بوجھ کر خلاف ورزی کی ہے۔ یو ٹیوب، فیس بک، سنیپ چیٹ اور ٹک ٹوک سب معاہدے کے تحت میوزک انڈسٹری کو سالانہ اربوں ڈالر اجتماعی طور پر ادا کرتے ہیں۔ 

اس تنظیم نے سونی میوزک اور یونیورسل میوزک پبلشنگ گروپ سمیت 17 میوزک پبلشرز کی جانب سے نیش ول میں فیڈرل کورٹ میں شکایت درج کروائی۔ایسوسی ایشن نے کہا کہ مجموعی طور پر 250 ملین سے زیادہ کے ہرجانے کا تقاضا کیا گیا ہے۔