پاکستان تحریک انصاف کی وکٹیں گرنے کا سلسلہ جاری

پاکستان تحریک انصاف کی وکٹیں گرنے کا سلسلہ جاری، سابق رکن قومی اسمبلی  اور صدر پاکستان تحریک انصاف کراچی اکرم چیمہ نے پارٹی چھوڑنے کا اعلان کردیا۔

سابق رکن قومی اسمبلی  اور صدر پاکستان تحریک انصاف کراچی  اکرم چیمہ نے  پریس کانفرنس کرتے ہوئے کہا ہے کہ 9مئی کےتمام واقعات کی پرزور مذمت کرتاہوں۔ تحقیقات کرکے ان واقعات میں ملوث ملزمان کو عبرت کا نشان بنایاجائے۔

 ان کا کہنا تھا کہ سانحہ 9مئی کےاہداف کئی تھے۔کیپٹن کرنل شیر خان شہید کی یادگار پر حملہ کیاگیا،  جبکہ دشمن نےاعتراف کیا تھا کہ کرنل شیر خان جیسا جوان نہیں دیکھا۔ اسی طرح  9 مئی کا دوسرا ہدف ایم ایم عالم کا طیارہ تھا۔ دنیا نےتسلیم کیا کہ ایم ایم عالم نےسیکنڈز میں دشمن کےجہاز گرائے۔

سابق رکن قومی اسمبلی اکرم چیمہ  نے پی ٹی آئی چھوڑنےکے ساتھ ہی  پی ٹی آئی کراچی ڈویژن کےصدر کا عہدہ چھوڑنے کا بھی اعلان کردیا ۔

ان کا کہنا تھا کہ اب اس ملک کی بہتری کےلیےسیاست کرینگے۔ملک کو امن کا گہوارہ بناکر دکھائیں گے۔ بچپن سے سنتے آرہے ہیں کہ ملک نازک موڑ پر ہے اس نازک موڑ سے پاکستان کی بس کو آگےلیکر جائیں گے