پاکستان اور آذربائیجان کا دوطرفہ تعلقات کو مزید فروغ دینے کے عزم کا اعادہ

اسلام آباد: پاکستان اور آذربائیجان نے تمام شعبوں میں دوطرفہ تعلقات کو مزید فروغ دینے کے اپنے عزم کا اعادہ کیا ہے۔

وزیراعظم شہباز شریف اور آذربائیجان کے صدر الہام علیووف نے اس عزم کا اظہار ٹیلی فون پر ایک دوسرے کو عید کی مبارکباد دیتے ہوئے کیا۔ عید الاضحی کے پُرمسرت موقع پر صدر الہام علیووف کو مبارکباد دیتے ہوئے وزیراعظم نے آذربائیجان کے عوام کیلئے نیک خواہشات کا اظہار کیا۔

رواں ماہ کے آغاز میں باکو کے اپنے دورے کے دوران پُرتپاک خیرمقدم کو سراہتے ہوئے شہباز شریف نے اس امر پر اطمینان کا اظہار کیا کہ دورے کے دوران کئے گئے فیصلوں کی روشنی میں دوطرفہ روابط کے فروغ کے سلسلے میں مربوط اقدامات کئے جا رہے ہیں۔وزیراعظم نے آذربائیجان کے صدر کو پاکستان کے دورے کی دعوت دی جسے انہوں نے نہایت خوشی کے ساتھ قبول کیا۔