آج عید الاضحی کے دوسرے روز اہل ایمان جانوروں کی قربانی کا سلسلہ جاری رکھیں گے

آج (جمعہ) عید الاضحی کے دوسرے روز اہل ایمان حضرت ابراہیم علیہ السلام اور حضرت اسماعیل علیہ السلام کی عظیم قربانی کی یاد میں جانوروں کی قربانی کا سلسلہ جاری رکھیں گے۔

وہ عزیز و اقارب کے علاوہ مستحقین میں قربانی کے جانوروں کا گوشت تقسیم کر رہے ہیں۔عید الاضحی کے موقع پر بچے خوب لطف اندوز ہو رہے ہیں۔ شہری انتظامیہ نے جانوروں کی آلائشیں اور کوڑا کرکٹ جمع کرنے اور سڑکوں اور گلیوں کی صفائی کیلئے جامع انتظامات کئے ہیں۔