وزیراعظم کی سویڈن میں قرآن پاک نذرِ آتش کرنے کے واقعے کی شدید مذمت

وزیراعظم شہبازشریف نے سویڈن میں ایک مسجد کے سامنے قرآن پاک نذرِ آتش کرنے کے واقعے کی شدید مذمت کی ہے۔

انہوں نے ایک ٹویٹ میں کہا کہ اس طرح کی نفرت انگیز، قابل مذمت، گھناؤنی اور اسلام دشمن کارروائیاں بین الاقوامی قانون کی کھلی خلاف ورزی ہیں۔

انہوں نے کہا کہ اس اسلام دشمن کارروائی کی جتنی مذمت کی جائے کم ہے اور اس کا واضح مقصد دنیا بھر کے مسلمانوں کے جذبات مجروح کرنا ہے، انہوں نے کہا قرآن کریم اللہ تعالیٰ کا مقدس کلام ہے جو تمام انسانیت کیلئے محبت، امن اور رواداری کا درس دیتا ہے اور اس کی بے حرمتی کے قابل مذمت اور گھنائونے فعل میں ملوث عناصر نے درحقیقت انسانیت کی مشترکہ اقدار کی توہین کی ہے۔