حکومت نے توانائی منصوبوں کی راہ میں حائل رکاوٹیں دُور کر دی ہیں:مصدق

پٹرولیم کے وزیر مملکت ڈاکٹر مصدق ملک نے کہا ہے کہ حکومت نے توانائی منصوبوں کی راہ میں حائل تمام رکاوٹیں کامیابی سے دُور کر دی ہیں۔

ایک نجی نیوز چینل سے باتیں کرتے ہوئے انہوں نے کہا کہ وزیر اعظم شہباز شریف توانائی مافیا کے خلاف کارروائی میں بھرپور معاونت کر رہے ہیں۔وزیر مملکت نے کہا کہ موجودہ وزیراعظم شہباز شریف اور سابق وزیراعظم نواز شریف نے عوامی مفاد کے بے مثال کام کئے ہیں۔

انہوں نے کہا کہ پاکستان مسلم لیگ (ن) کی قیادت نے قومی مفاد میں کئے گئے سخت فیصلوں کا سیاسی نقصان برداشت کیا ہے۔