آئی ایم ایف کے ساتھ طے شرائط سے عوام کو آگاہ کیا جائے،شیخ رشید

سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ ہم پیالہ ہم نوالہ ہونے سے 13 پارٹیوں کو کچھ نہیں ملے گا، حکمران سیاسی فیصلے دبئی میں کرتے ہیں کیونکہ خوف زدہ ہیں۔

15مہنیوں میں اگرملک ڈیفالٹ نہیں ہواتوعوام زراعت صنعت آٹوٹیکسٹائل ڈیفالٹ ہوگئےاب سوال سیاست کانہیں ریاست کاہےجمہوریت مجبوریت ہے13اگست ریڈرلائن ہےرات10بجے لال حویلی سےخطاب کروں گاہم پیالہ ہم نوالہ ہونےسے13پارٹیوں کوکچھ نہیں ملےگاحکمران سیاسی فیصلےدبئی میں کرتےہیں کیونکہ خوف زدہ ہیں

— Sheikh Rashid Ahmed (@ShkhRasheed) June 30, 2023

سماجی رابطے کی ویب سائٹ ٹوئٹر پر شیخ رشید احمد نے لکھا کہ سارا گڑھا آنے والی حکومت کیلئے کھودا گیا ہے، معاشی اور سیاسی عزت نیلام ہو جائے تو نہ کوئی مدد کرتا ہے نہ آسانی سے واپس آتی ہے، بجٹ کے اثرات غریب کے گھر میں اور حکمرانوں کےچہروں پر پڑھے جا سکتے ہیں۔

انہوں نے کہا کہ اب سوال سیاست کا نہیں ریاست کا ہے جمہوریت مجبوریت ہے، 13 اگست ریڈر لائن ہے، رات 10 بجے لال حویلی سے خطاب کروں گا۔

سابق وفاقی وزیر کا کہنا تھا کہ  آئی ایم ایف سے کیا شرائط طے ہوئی ہیں عوام کو بتانا ہوگا کیونکہ 300 ارب روپے مزید ٹیکس عوام پر لگا ہے۔