وزیر خزانہ نے پیٹرولیم مصنوعات کی نئی قیمتوں کا اعلان کردیا

اسلام آباد: وزیر خزانہ سینیٹر اسحاق ڈار نے پیٹرولیم مصنوعات کی نئی قیمتوں کا اعلان کردیا۔

تفصیلات کے مطابق اسحاق ڈار نے کہا کہ پیٹرول کی قیمت میں کوئی اضافہ نہیں ہوا اس لیے قیمت وہی رہے گی یعنی 262 روپے۔

جبکہ عالمی مارکیٹ میں تیل کی قیمت میں نمایاں اضافہ ہوا ہے جس کے باعث ڈیزل کی قیمت میں 7 روپے 5 پیسے کا اضافہ کردیا گیا ہے۔

وزیر خزانہ کا کہنا تھا کہ پیٹرولیم مصنوعات کی نئی قیمتوں میں ردوبدل کا اطلاق رات 12 بجے (جمعہ) سے کردیا گیا ہے۔ نئی اور غیر تبدیل شدہ قیمتوں کا اطلاق 15 دنوں کے لیے ہو گا۔

واضح رہے کہ اس وقت پیٹرول کی فی لیٹر قیمت 262 روپے ہے جب کہ ڈیزل 253 روپے فی لیٹر کے حساب سے فروخت کیا جا رہا تھا جسے بڑھا کر 260.5 روپے پر طے کیا گیا ہے۔ مٹی کے تیل کی قیمت 164.7 روپے فی لیٹر اور لائٹ ڈیزل آئل 147.68 روپے فی لیٹر ہے۔