سپریم کورٹ ،ہائیکورٹ کے چیف جسٹس اور ججز کی تنخواہوں میں اضافہ

سپریم کورٹ اور ہائی کورٹ کے چیف جسٹس اور دیگر ججز کی تنخواہوں میں 20 فیصد اضافہ کر دیا گیا،قائم مقام صدر صادق سنجرانی کی منظوری کے بعد سیکرٹری قانون کے نیا حکم نامہ جاری کر دیا۔

سپریم کورٹ کے چیف جسٹس اور ججز کی تنخواہوں میں اضافے سے متعلق صدارتی آرڈیننس کو سیلری آف ججز سپریم کورٹ آرڈر 2023 کا نام دیا گیا ہے۔

آرڈر کے مطابق سپریم کورٹ کے چیف جسٹس کی ماہانہ تنخواہ 2 لاکھ 4 ہزار 865 روپے اضافہ کے ساتھ 12 لاکھ 29ہزار 199 روپے کر دی گئی ہے۔سپریم کورٹ کے دیگر ججز کی تنخواہیں 1لاکھ 93 ہزار 527 روپے اضافے کے ساتھ 11 لاکھ 61 ہزار 163 روپے کر دی گئی ہے۔

ہائی کورٹ کے چیف جسٹس کی ماہانہ تنخواہ اضافے کے بعد 11لاکھ 39 ہزار 251 روپے کر دی گئی ہے جبکہ ہائی کورٹ کے ججز کی تنخواہ 10 لاکھ 95 ہزار434 روپے تک جا پہنچی۔