آمدن سے زائد اثاثے،عثمان بزدار آج بھی نیب پیش نہ ہوئے

آمدن سے زائد اثاثوں کی انکوائری پر سابق وزیر اعلیِ پنجاب عثمان بزدار نے ایک مرتبہ پھر نیب میں پیش ہونے سے معذرت کر لی۔ نیب لاہور نے سابق وزیراعلیٰ پنجاب عثمان بزدار کو آج 13ویں بار طلب کیا تھا

سابق وزیر اعلی نے نیب کے 30 سوالوں پر مشتمل سوالنامے کا جواب جمع کروا دیا۔ نیب لاہور نے عثمان بزدار کو آج صبح 11 بجے طلب کیا تھا مگر انہوں نے پیش ہونے سے معذرت کرلی۔

عثمان بزدار نے اپنے وکیل کے ذریعے تحریری طور آج پیش ہونے سے معذرت کرتے ہوئے کہا کہ وہ ذاتی مصروفیات کی وجہ سے نیب آفس پیش نہیں ہوسکتے ، تاہم وہ نیب کی تحقیقات سے فرار نہیں ہونا چاہتے، نیب تحریری معذرت قبول کرے۔