ایف آئی اے کا انسانی اسمگلرز کے خلاف کریک ڈائون جاری

ایف آئی اے لاہور زون کا انسانی اسمگلروں کے خلاف کریک ڈائون جاری،اینٹی ہیومن ٹریفکنگ سرکل گجرات نے یونان کشتی خادثے میں ملوت 3 سمگلرز کو گرفتار کر لیا، انسانی اسمگلرز کو کھاریاں اور پھالیہ سے گرفتار کیا گیا۔

انسانی اسمگلروں نے شہریوں کو بیرون ملک کا جھانسہ دے کر کروڑوں روپے بٹورے تھے،گرفتار ملزمان میں نصراقبال،رزاق اور طارق محمود شامل ہیں۔انسانی اسمگلرز لوگوں کو پاکستان سے لیبیا اور پھر لیبیا سے یونان بذریعہ کشتی بھجوانے میں ملوث تھے۔ ملزمان کے خلاف کارروائی متاثرین کے لواحقین کی نشاندہی پر کی گئی۔

یاد رہے کہ یونان کشتی حادثے میں ملوث عناصر کے خلاف گھیرا تنگ کیا جا چکا ہے۔ اینٹی ہیومن ٹریفکنگ سرکل گجرات نے یونان کشتی حادثے میں اب تک 87 مقدمات درج کئے ہیں۔ ایف آئی اے گجرات سرکل نے اب تک 19 انسانی سمگلرز کو گرفتار کر لیا ہے۔

واضح رہے بیرون ملک جاتے ہوئے سینکڑوں پاکستانی یونان کے قریب سمندر میں ڈوب کر جاں بحق ہوگئے تھے