اسرائیل میں ملازمت اختیار کرنے والے 5 پاکستانی گرفتار

ایف آئی اے کرائم سرکل میر پور خاص کی کارروائی،اسرائیل میں کئی سال ملازمت کرنے کے بعد واپس آنے والے 5 ملزمان کو گرفتار کرلیا۔

ترجمان ایف آئی اے کے مطابق ملزمان اسرائیلی دارالحکومت میں بطور ہیلپر اور کار واشر ملازمت سرانجام دیتے رہے۔ ملزمان نے اسرائیلی ایجنٹ کے ذریعے انٹری حاصل کی اور اسے فی کس 3 سے 4 لاکھ روپے ادا کیے۔ میرپورخاص کے رہائشی ملزمان میں میاں بیوی اور ان کے دو بیٹوں کے علاوہ دو سگے بھائی بھی شامل ہیں۔

ایف آئی اے کرائم سرکل میرپور خاص کی بڑی کارروائی
اسرائیل میں ملازمت اختیار کرنے والے 5 پاکستانی ملزمان گرفتار۔ملزمان تل ابیب میں بطور ہیلپر اور کار واشر ملازمت کرتے رہے۔
ملزمان نے اسرائیلی ایجنٹ کے ذریعے انٹری حاصل کی۔ملزمان نے اسرائیلی ایجنٹ کو فی کس 3 سے 4 لاکھ روپے ادا کئے۔ pic.twitter.com/RRZbB6FrlM

— Federal Investigation Agency - FIA (@FIA_Agency) July 5, 2023

ایف آئی اے حکام کے مطابق گرفتار ملزمان کی شناخت نعمان صدیقی، کامل انور، کامران صدیقی، محمد ذیشان اور محمد انور کے نام سے ہوئی ہے، جبکہ ایف آئی اے میں نامزد 5 دیگر ملزمان میں ستارہ پروین، محمد اسلم اور عبد الماجد صدیقی شامل ہیں۔ ملزمان میں شامل 3 افراد ایک سے زائد بار اسرائیل میں ملازمت کے بعد واپس پاکستان آئے۔

<گرفتار ملزمان شینگن ویزے پر اردن ائرپورٹ سے اسرائیل داخل ہوتے تھے اور وطن واپسی کےلئے دبئی کے راستے اردن ایئرپورٹ سے کراچی آتے تھے

ملزمان ترکی، کینیا اور سری لنکا کے راستے سے بھی بزریعہ اردن ائرپورٹ اسرائیل میں داخل ہوتے رہے۔ملزمان ویسٹرن یونین کے ذریعے میرپور خاص ڈاکخانے میں عزیزوں کو روانہ کرتے رہے اور وطن واپسی کے لیے دبئی کے راستے اردن ائرپورٹ سے کراچی آتے تھے۔

ترجمان ایف آئی اے کے مطابق مجموعی طور پر 8 ملزمان کے خلاف پاسپورٹ ایکٹ اور امیگریشن آرڈیننس کے تحت 5 مقدمات درج کر لیے گئے ہیں، جبکہ دیگر ملزمان کی گرفتاری کے لیے چھاپے مارے جا رہے ہیں۔