مریم اورنگزیب کا ریڈیو پاکستان لاہور میں سنیما ہاوس اور ڈیجیٹل ریڈیو لیب کا سنگ بنیاد رکھنے پراظہارمسرت

اسلام آباد: وفاقی وزیر اطلاعات ونشریات مریم اورنگزیب نے ریڈیو پاکستان لاہور میں سنیما ہاوس اور ڈیجیٹل ریڈیو لیب کا سنگ بنیاد رکھنے پرمسرت کااظہارکیاہے ۔

ہفتہ کو ایک ٹویٹ میں وفاقی وزیراطلاعات ونشریات نے کہا ہے کہ ریڈیو پاکستان لاہور میں سنیما ہاوس اور ڈیجیٹل ریڈیو لیب کا سنگ بنیاد رکھنے پر وہ خوشی محسوس کر رہی ہیں۔ وفاقی وزیرنے کہا کہ اس اقدام کا مقصد سستی سینما رسائی متعارف کروا کر پاکستان میں مووی میجک کی رونق کو بحال کرنا ہے۔

مریم اورنگزیب نے کہاکہ ریڈیو پاکستان ہر پاکستانی کو عالمی معیار کی تفریح فراہم کرنے کے لئے فلمی تفریحی صنعت میں نئی روح ڈالنے اور جدت طرازی کے لئے نیشنل ڈیجیٹل آرکائیو، پاکستان کی موسیقی کی دھنوں کی میپنگ اور عالمی معیار کے پوڈ کاسٹ سٹوڈیوز کا پاکستان بھر میں آغاز کر رہا ہے