بلوچستان،ژوب گیریژن پر دہشتگردوں کا حملہ،4 جوا ن شہید

بلوچستان کے ضلع ژوب میں دہتشگردوں کا گیریژن میں دہشت گردوں کا حملہ،حملے کے نتیجے میں 3 دہشت گرد ہلاک جبکہ پاک فوج کے چار جوان شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق دہشت گردوں کے ایک گروپ نے علی الصبح شمالی بلوچستان میں ژوب گیریژن پر شدید حملہ کیا اور تنصیبات میں گھسنے کی کوشش کی جسے جو ڈیوٹی پر مامور فوجیوں نے ناکام بنایا۔

آئی ایس پی آر کے مطابق شدید فائرنگ کے تبادلے میں دہشت گردوں کو ایک چھوٹے سے علاقے میں گھیر لیا گیا، اب تک بھاری ہتھیاروں سے لیس تین دہشت گرد مارے جا چکے ہیں جب کہ باقی دو دہشت گردوں کو بھی پکڑنے کے لئے سکیورٹی فورسز کی جانب سے کلیئرنس آپریشن جاری ہے۔

آئی ایس پی آر کے مطابق اس آپریشن کے دوران فورسز کی جوابی کارروائی میں تین دہشت گرد مارے گئے ہیں، کلیئرنس آپریشن کے دوران چار سکیورٹی اہلکار شہید ہوگئے جب کہ پانچ اہلکار شدید زخمی ہیں۔

پاک فوج کے شعبہ تعلقات عامہ کا کہنا ہے کہ سکیورٹی فورسز بلوچستان اور پاکستان کے امن کو تباہ کرنے کی تمام گھناؤنی کوششوں کو ناکام بنانے کے لئے پرعزم ہیں۔