ایلون مسک نے ٹویٹر کا لوگو تبدیل کرنے کا اعلان کر دیا

ٹوئٹر کے مالک ایلون مسک نے اعلان کیا ہے کہ سوشل میڈیا پلیٹ فارم میں نیلے پرندے کا معروف لوگو اب ماضی کا قصہ بننے جا رہا ہے۔

ایک ٹوئٹ میں انہوں نے بتایا کہ بہت جلد ہم ٹوئٹر برانڈ اور تمام پرندوں کو خیرباد کہہ دیں گے، اگر ایکس لوگو اچھا ہوا تو وہ آج شب  پوسٹ کیا جائے گا اور اسے 24 جولائی کو لائیو کر دیا جائے گا۔

And soon we shall bid adieu to the twitter brand and, gradually, all the birds

— Elon Musk (@elonmusk) July 23, 2023

یہ اکتوبر 2022 میں ایلون مسک کی ملکیت میں جانے کے بعد ٹوئٹر کی سب سے بڑی تبدیلی ہوگی۔اس تبدیلی کے بعد ٹوئٹر ایک خودمختار کمپنی نہیں رہے گی بلکہ اسے ایک نئی کمپنی ایکس کارپوریشن کا حصہ بنا دیا جائے گا۔

If a good enough X logo is posted tonight, we’ll make go live worldwide tomorrow

— Elon Musk (@elonmusk) July 23, 2023

اپریل 2023 میں ٹوئٹر کی نئی چیف ایگزیکٹو لینڈا یاکارینو کی تعیناتی کا اعلان کرتے ہوئے ایلون مسک نے کہا تھا کہ وہ اس پلیٹ فارم کو ایکس میں تبدیل کرنے کے لیے کام کریں گی، جو ایک سپر ایپ ہوگی۔اکتوبر 2022 میں ایک ٹوئٹ میں انہوں نے کہا کہ ٹوئٹر کو خریدنے سے ایکس نامی ایوری تھنگ ایپ کی تشکیل کا عمل تیز ہو جائے گا۔

pic.twitter.com/IwcbqMnQtA

— Elon Musk (@elonmusk) July 23, 2023

انہوں نے ایک ٹوئٹ میں ایکس کی تصویر بھی شیئر کی اور ایک صارف کی جانب سے لوگو کی تبدیلی کا جواب ہاں میں دیتے ہوئے کہا کہ ایسا بہت پہلے ہو جانا چاہیے تھا۔خیال رہے کہ اپریل میں عارضی طور پر ٹوئٹر کے روایتی لوگو کو ڈوگی کوائن کے کتے والے لوگو سے تبدیل کیا گیا تھا۔