ایم پی اےکے بڑے بھائی پر قاتلانہ حملہ 2 افراد جاں بحق

کراچی کے مین علاقے ڈیفنس میں گاڑی پر فائرنگ سے ایم پی اے اسلم ابڑو کے بڑے بھائی اکرم ابڑو سمیت 2  افراد جاں بحق اور 2 افراد شدید زخمی ہوگئے

ایس پی انوسٹی گیشن ساؤتھ ابریزعباسی نے جائے وقوعہ پر میڈیا سے گفتگو کرتے ہوئے کہا کہ مقتول اپنے گھر سے براستہ خیابان شمشیر آرہے تھے کہ تعاقب کرنے والوں موٹرسائیکل سواروں نے نشانہ بنایا.پولیس کا کہنا ہے کہ ملزمان نے نائن ایم ایم اور 222 بور سے فائرنگ کی۔

پولیس کے مطابق تمام افراد خیابان شمشیر سے جیکب آباد جارہے تھے، ڈبل کیبن گاڑی میں5 افراد سوار تھے۔ ڈبل کیبن گاڑی پر30سے زائد گولیوں کے نشانات ہیں۔

حکام کا کہنا ہے کہ حملہ آور3 موٹرسائیکل اور ایک کار میں سوار تھے، گاڑی کی ونڈاسکرین پرگولیوں کے9 نشانات ہیں۔ فائرنگ گاڑی کے اندر سے بھی ہونے کے شواہد ملے ہیں۔

کراچی: فائرنگ سے زخمی پی ٹی آئی کے منحرف ایم پی اے اسلم ابڑو کے بھائی دم توڑ گئے#GNN #GNN_Updates #Breakingnews #Newsupdates pic.twitter.com/L1SddYtag5

— GNN (@gnnhdofficial) July 26, 2023