سیکیورٹی فورسزکا آپریشن ،دہشتگرد ہلاک

 گوادر میں سکیورٹی فورسز نے کامیاب آپریشن کیا جس کے نتیجے میں  2 دہشتگرد ہلاک ہو گئے۔

پاک فوج کے شعبہ تعلقات عامہ (آئی ایس پی آر )کے مطابق گوادر میں دہشتگردوں کی موجودگی کی اطلاع ملی جس کے باعث  آپریشن کیا  گیا تو دہشت گردوں نے فوجی قافلے پر چھوٹے ہتھیاروں اور دستی بموں سے حملہ کر دیا۔

فورسز کی کامیاب  جوابی کارروائی کےنتیجے میں 2 دہشت گرد ہلاک ہوگئے، آئی ایس پی آر کے مطابق حملے میں فورسز کا  کسی قسم کا جانی و مالی نقصان نہیں ہوا، سکیورٹی فورسز ملک میں امن اور خوشحالی کے دشمنوں کی کوششوں کو ناکام بنانے کے لئے پر عزم ہیں۔

سابق صدر آصف علی زرداری اور چیئرمین پیپلزپارٹی بلاول بھٹو زرداری نے فوجی قافلے پر دہشتگردوں کے حملے کی مذمت کرتے ہوئے سکیورٹی فورسز کی جوابی کارروائی پر اظہار اطمینان کیا۔ انہوں نے مطالبہ کیا فوجی قافلے پر حملہ کرنے کے منصوبہ سازوں کو قانون کی گرفت میں لایا جائے۔