حکومت کاگولڈ مافیا کے گرد گھیراتنگ ،سونا مزید سستا ہونے کا امکان

اسلام آباد: انٹیلی جنس اور قانون نافذ کرنے والے اداروں نے جمعہ کو سونے کی اسمگلنگ اور گولڈ مافیا سے نمٹنے کے لیے ایک بڑا آپریشن شروع کر دیا ہے۔

ذرائع کا دعویٰ ہے کہ غیر قانونی سرگرمیوں کے خلاف سخت کارروائی کرنے کے لیے حکام پر مشتمل ایک ٹاسک گروپ تشکیل دیا گیا ہے۔

ذرائع کے مطابق ٹاسک فورس کا مقصد سمگلروں کو پکڑنا ہے تاکہ ان کے خلاف قانونی کارروائی کی جاسکے۔

مزید معلومات سے معلوم ہوا کہ ٹاسک فورس نے مافیا اور سمگلروں کی فہرستیں بنا کر ان کے خلاف کارروائی کا منصوبہ بنایا تھا۔

اس کے علاوہ، حکومت نے سونے کی فروخت اور حصول کو کمپیوٹرائز کرنے اور سونے کے ڈیلرز کو ٹیکس کے نظام میں شامل کرنے کے لیے تیزی سے کام شروع کرنے کا فیصلہ کیا۔

واضح رہے کہ گزشتہ دو ہفتوں کے دوران سونے کی فی تولہ قیمت 2 لاکھ 36 ہزار روپے سے کم ہو کر 2 لاکھ 14 ہزار روپے فی تولہ ہوگئی ہے۔