نگران وزیر اعظم کی ترکیہ میں دہشت گرد حملے کی مذمت

نگراں وزیرِ اعظم انوار الحق کاکڑ نے ترکیہ کی پارلیمنٹ سے متصل پولیس ہیڈ کوارٹر پر دہشتگرد حملے کی شدید الفاظ میں مذمت کی ہے۔

وزیر اعظم میڈیا آفس میڈیا ونگ کی جانب سے جاری بیان میں نگراں وزیر اعظم نے کہا کہ مجھ سمیت پوری پاکستانی قوم کی ہمدردیاں برادر ملک ترکیہ کے ساتھ ہیں۔

نگراں وزیرِ اعظم نے کہا کہ واقعے میں زخمی ہونے والے افراد کی جلد صحت یابی کیلئے دعا گو ہیں۔

انہوں نے کہا کہ پوری امید ہے کہ ترکیہ، میرے بھائی رجب طیب اردوان کی قیادت میں دہشتگردی کے اس چیلنج پر جلد قابو پا لے گا۔