مہنگائی کے مارے عوام نے پیٹرول کی قیمت میں کمی کو مسترد کر دیا

پاکستانی عوام نے کہا کہ پیٹرول کی قیمتوں میں معمولی کمی کو مسترد کرتے ہیں ، جماعت اسلامی اور تحریک انصاف نے بھی پیٹرول کی نئی قیمتیں مسترد کردیں ۔

پاکستانی عوام کا کہنا ہے کہ پیٹرول کی قیمتوں میں اتنا کم اضافہ اونٹ کے منہ میں زیرہ ہے ، عوام کا کہنا ہے کہ پیٹرول کی قیمت میں اضافہ 26 روپے کیا جاتا ہے جبکہ کمی 8 روپے کی جاتی ہے ۔

عوام نے کہا کہ کوئی ریلیف نہیں دیا جا رہا ہم غلام ہیں اور غلاموں کے لیے ایسے ہی ہوتا ہے ۔ 

جماعت اسلامی کے سربراہ سراج الحق کا کہنا ہے کہ پیٹرول 8 روپے سستا کر کے گیس کی قیمت میں 20 روپے اضافہ کر دیا گیا ، یہ عوام کے ساتھ مذاق کیا جا رہا ہے ،ریلیف دینا ہے تو سہی طریقے سے دیں ورنہ نہ دیں ۔

پٹرولیم مصنوعات کی قیمتوں میں معمولی کمی نامنظور عوام نے نئی قیمتیں مسترد کردیں
#GNN #BreakingNews #NewsUpdates pic.twitter.com/ay2WyNrktb

— GNN (@gnnhdofficial) October 1, 2023

انہوں نے کہا کہ ملکی حالات خراب سے خراب تر ہوتے جا رہے ہیں اور کوئی بھی اس کی ذمہ داری قبول نہیں کررہا کیا کسی جمہوری ملک میں ایسا ہوتا ہے؟ ملک کو ایسی سمت میں عوام نہیں بلکہ حکمران لے کر آئیں ہیں ۔