سائفر کیس ، چیئرمین پی ٹی آئی اور شاہ محمود قریشی کے باقاعدہ ٹرائل کا آغاز

سائفر کیس کا چالان جمع ہونے کے بعد آفیشل سیکرٹ ایکٹ کی خصوصی عدالت نے چیئرمین پی ٹی آئی اور شاہ محمود قریشی کے باقاعدہ ٹرائل کا آغاز کردیا ہے۔

چیئرمین پی ٹی آئی عمران خان اور  شاہ محمود قریشی کے خلاف سائفرکیس میں اہم پیشرفت ہوئی ہے،سائفر کیس کا چالان جمع ہونے کے بعد جج ابوالحسنات ذوالقرنین نے نوٹس جاری کردیے۔

جج ابوالحسنات  نے ریمارکس دیئے کہ گواہان کے بیانات ملزمان کو نوٹس جاری کرنے کے لیے کافی ہیں،چیئرمین پی ٹی آئی عمران خان اور  شاہ محمود قریشی اڈیالہ جیل میں قید ہیں۔

سابق وزیراعظم عمران خان ، شاہ محمود قریشی کی عدالت پیشی کے حوالے سے سپرٹنڈنٹ اڈیالہ جیل کو نوٹس جاری کیاجاتاہے۔ سپرٹنڈنٹ اڈیالہ جیل 4 اکتوبر کو چیئرمین پی ٹی آئی عمران خان اور  شاہ محمود قریشی کو عدالت پیش کرے۔ 

چیئرمین پی ٹی آئی نے سائفر کیس میں چالان کے حصول کےلئے عدالت سے رجوع کر لیا