پاکستان اور سعودی عرب کے درمیان آئی ٹی شعبے میں مفاہمت کی یادداشت پر دستخط

پاکستان اور سعودی عرب نے انفارمیشن ٹیکنالوجی کے شعبے میں مفاہمت کی ایک یادداشت پر دستخط کئے ہیں ۔

مفاہمت کی یادداشت پر دستخط نگران وفاقی وزیر عمر سیف اور انجینئر عبداللہ ا میر al sawaha نے ریاض میں ہونے والی ایک ملاقات میں کئے۔اس موقع پر پاکستان کے سفیر احمد فاروق اور انفارمیشن ٹیکنالوجی کے ممتاز ماہرین بھی موجود تھے۔

اس بات پر اتفاق کیا گیا کہ پاکستان اور سعودی عرب انفارمیشن ٹیکنالوجی کے شعبے میں مل کر کام کریں گے اور نجی شعبے کو فروغ دیں گے۔اس سمجھوتے میں ڈیجیٹل اکانومی کے بارے میں دوطرفہ معاہدہ بھی شامل ہے۔

انفارمیشن ٹیکنالوجی کے نگران وزیر ڈاکٹر عمرسیف انفارمیشن کمپنیوں کے ایک وفد کے ساتھ سعودی عرب میں ہیں جس کا مقصد سعودی عرب میں کاروباری مواقع تلاش کرنا ہے۔

پاکستان اور سعودی عرب نے انفارمیشن ٹیکنالوجی کے شعبے میں مفاہمت کی ایک یادداشت پر دستخط کئے ہیں@umarsaif@MoitOfficial@ForeignOfficePk@KSAembassyPK#RadioPakistan #News #Italgym https://t.co/q8K52gEQ3Y pic.twitter.com/xi29kTkpT1

— ریڈیوپاکستان (@PBCofficialNews) October 2, 2023

مفاہمتی یادداشت کے تحت دونوں ملک ڈیجیٹل اکانومی، ڈیجیٹل انفراسٹرکچر جدید خطوط پر استوار کرنے، ڈیجیٹل اختراع کی حوصلہ افزائی اور ڈیجیٹل تبدیلی میں تیزی لانے کے لیے بھرپور تعاون کریں گے۔

فریقین ڈیجیٹل اکانومی، انفارمیشن ٹیکنالوجی کی کمپنیوں کو بنانے سنوارنے، مشترکہ ٹریننگ پروگرام جدید انداز پر تیار کرنے اور انفارمیشن ٹیکنالوجی نیز کمیونیکیشن میں ماہر افراد تک رسائی کے لیے مشترکہ کوششوں کا دائرہ وسیع کریں گے۔

پاکستان اور سعودی عرب میں کاروباری افراد اور اداروں کو تکنیکی سرمایہ کاری اور وینچر کیپٹل کا دائرہ وسیع کرنے کے قابل بنانے کے لیے مشترکہ اختراعی میکنزم اور طریقہ کار تیار کرنے میں مدد فراہم کرنے کی کوشش کی جائے گی۔

فریقین رابطے بڑھا کر ڈیجیٹل انفراسٹرکچر کو ترقی دیں گے۔ بین الاقوامی ایونٹس میں شرکت کی حوصلہ افزائی کے علاوہ کلاؤڈ کمپیوٹنگ کے لیے انفراسٹریکچر اور ڈیٹا سینٹرز قائم کرنے میں تعاون کیا جائے گا۔