نواز شریف کسی ڈیل کے تحت پاکستان نہیں آ رہے ،راناثناءاللہ

لاہور: پاکستان مسلم لیگ (ن) کے رہنما رانا ثناء اللہ نے کہا کہ جب بھی  پاکستان کو مشکل وقت کا سامنا کرنا پڑا تو نواز شریف ہی کام  آئے اور وہ نہ ڈیل کے تحت گئے تھے  اور نہ ہی ڈیل کے تحت واپس آرہے ہیں۔

تفصیلات کے مطابق لاہور میں پریس کانفرنس کرتے ہوئے سابق وزیر داخلہ رانا ثناء اللہ کا کہنا تھا کہ پاکستان کو ایک تجربہ کار لیڈر کی ضرورت ہے جو ملک کو مشکلات سے نکالے، اس لیے سابق وزیراعظم نواز شریف کی درخواست پر پارٹی کی قیادت کے لیے آرہے ہیں۔

وہ 21 اکتوبر کو وطن آرہے ہیں، مینار پاکستان پر استقبالیہ اور خطاب ہوگا، ملک بھر سے لوگ وہاں پہنچیں گے۔ لاہور نواز شریف اور ملک بھر کے لوگوں کی میزبانی کرے گاسابق وزیر کا کہنا تھا کہ نواز شریف 21 اکتوبر کو امید کو یقین میں بدلنے کے راستے کا تعین کریں گے، وہ 21 اکتوبر کو شام ساڑھے 5 بجے لاہور پہنچیں گے، قانونی ٹیم نے ان کی حفاظتی ضمانت کی تیاریاں مکمل کر لی ہیں۔

نواز شریف خود کو عدالت کے سامنے  سرنڈر کریں گے۔ نواز شریف بے گناہ ہیں انہیں ریلیف ملے گا۔ نواز شریف نہ ڈیل کے تحت گئے اور نہ ہی ڈیل کے تحت واپس آئے۔ پاکستان کو مشکل وقت کا سامنا ہوا تو نواز شریف رہنمائی کے لیے آگے آئے۔ جب امت مسلمہ کو ایٹمی طاقت کے حصول کا چیلنج درپیش تھا، نواز شریف نے قوم کی قیادت کی۔ پوری دنیا ایک طرف تھی لیکن نواز شریف نے ایٹمی دھماکے کیے تھے ۔