مارشل لاء کے خلاف بھی درخواست لایا کریں وہاں کیوں نہیں آتے، چیف جسٹس

اسلام آباد: جسٹس قاضی فائز عیسی نے ریمارکس دیے کہ جب مارشل لاء لگتا ہے تو سب ہتھیا ر پھینک دیتے ہیں ، انہوں نے کہا کہ ہمیشہ فرد واحد نے ہی ملک و قوم کی تباہی کی ہے ۔

تفصیلات کے مطابق سپریم کورٹ میں پریکٹس اینڈ پروسیجر ایکٹ کیس کی سماعت ہوئی ، چیف جسٹس قاضی فائز عیسی کی سربراہی میں 15 ججز پر مشتمل فل کورٹ نے کیس کی سماعت کی۔

انہوں نے کہا کہ وہ فرد واحد بیشک مارشل لاء ایڈ منسٹریٹر ہو یا کوئی اور ہو مارشل لاء لگنے پرسب ہی ہتھیار پھینک دیتے ہیں ۔

پارلیمان کچھ کرے تو سب کو حلف یاد آ جاتا ہے ، چیف جسٹس نے کہا کہ مارشل لاء کے خلاف بھی درخواستیں لایا کریں وہاں کیوں نہیں لاتے ؟

جب مارشل لا لگتا ہے سب ہتھیار پھینک دیتے ہیں، چیف جسٹس#GNN #NewsUpdates #BreakingNews #GNN_Updates pic.twitter.com/WFLQxmoqik

— GNN (@gnnhdofficial) October 3, 2023

انہوں نے قانونی بحث کرتے ہوئے کہا کہ کیا آپ مارشل لاء کےلیے ہم سے دروازہ کھلوانا چاہتے ہیں ، انہوں نے کہا کہ ہمارے معزز جج صاحبان نے ہی قانون کے ساتھ کھلواڑ کی اجازت دی۔

قرآن پاک میں واضح طور پر مشاورتی فیصلے کرنے کے احکامات موجود ہیں ہمیں اس سے مدد لینی چاہیے، پریکٹس اینڈ پروسیجر ایکٹ بھی ہمیں مشاورتی فیصلے کا کہتا ہے ۔