ورلڈ بینک نے پاکستان کو مقروض غریب ملکوں میں شامل کردیا

پاکستان کو قرضوں کے بوجھ والے غریب ممالک کی فہرست میں شامل کرتے ہوئے عالمی بینک نے کہا ہے کہ 2027 تک پاکستان کا قرضہ جی ڈی پی کے 89.3 فیصد تک بڑھ سکتا ہے۔

ورلڈ بینک حکام کا کہنا ہے کہ پاکستان کے اراکین پارلیمنٹ، کابینہ کے اراکین، وزرائے خزانہ، کابینہ کمیٹیوں اور قائمہ کمیٹیوں کے اراکین ٹیکس پالیسی کی تشکیل میں بہت زیادہ اثر و رسوخ استعمال کرتے ہیں، جو کہ اصلاحات میں رکاوٹ ہے۔

ورلڈ بینک نے پاکستان کو مقروض غریب ممالک کی فہرست میں شامل کردیا#GNN #NewsUpdates #BreakingNews #GNN_Updates pic.twitter.com/P6P8hluQGg

— GNN (@gnnhdofficial) October 4, 2023

سبسڈیز کو کم کرنے کے لیے مجموعی طور پر ٹیکس اقدامات کیے جائیں اور سالانہ بنیادوں پر 2723 ارب روپے کے مالیاتی خسارے کو کم کرنے کے لیے اخراجات کو کم کیا جائے۔

ورلڈ بینک کے مطابق پاکستان کو زیادہ لیکویڈیٹی رسک، زرمبادلہ کے کم ذخائر، غیر مستحکم سیاسی ماحول، بیرونی کھاتوں کے جھٹکے جیسے متعدد خطرات کا سامنا ہے۔