چاغی میں دھماکہ، دو شہید، تین زخمی

چاغی: بلوچستان کے ضلع چاغی میں فورسز کی گاڑی میں دھماکے سے 2 اہلکار شہید اور ایک زخمی ہوگیا۔

لیویز فورس کے مطابق فورسز کی گاڑی چاغی بازار سے گردی جنگل جا رہی تھی کہ گاڑی کے پچھلے حصے میں تیل کا کین پھٹ گیا جس کے نتیجے میں زور دار دھماکہ ہوا اور گاڑی میں آگ لگ گئی۔ حادثے کے وقت گاڑی میں چھ اہلکار سوار تھے۔

دو اہلکار موقع پر جاں بحق جبکہ تین زخمی ہو گئے۔ واقعے میں جاں بحق اہلکاروں کی لاشوں اور زخمی اہلکاروں کو طبی امداد کے لیے دالبندین اسپتال منتقل کردیا گیا۔ حکام کے مطابق واقعے کی مزید تحقیقات جاری ہیں۔