سائفر کیس :جرم کیاہے تو سزا ملے گی ورنہ بریت ہوگی ،جج ابوالحسنات

چیئرمین پی ٹی آئی کی اڈیالہ جیل منتقلی پر پی ٹی آئی نے غلطی مان لی ، وکیل شیراز رانجھانے عدالت میں اعتراف کیا کہ اڈیالہ جیل سے بہتر اٹک جیل تھی ، انہوں نے مزید کہا کہ شیر افضل مروت نے بغیر مشاورت درخواست دائر کردی ۔

وکیل شیراز رانجھا کا کہنا تھا چیئرمین پی ٹی آئی پر غیر ضروری سختی ہو رہی ہے، عدالت ان کے لیے بہتر کلاس کا فیصلہ کرتی، چیئرمین پی ٹی آئی کو ٹی وی، بہتر بستر کیوں نہیں دیتے؟ اٹک جیل میں سکون تھا۔

جج ابوالحسنات بولے کہ اگر جرم کیا ہے تو سزا ملے گی اور اگر نہیں کیا تو بریت ملے گی ، انہوں نے مزید کہا کہ جیل منتقلی کا خوامخواہ تماشہ بنایا گیا ، انہوں نے دوبارہ سائفر کیس کی طرف توجہ دلاتے ہوئے کہا کہ میں پریس کانفرنس نہیں کر سکتا اگر جرم ثابت ہوا تو سزا ضرور ملے گی ۔

اسلام آبادکی خصوصی عدالت میں آفیشل سیکرٹ ایکٹ کیس کی سماعت#BreakingNews #NewsUpdates #GNN pic.twitter.com/JCMVnnRdcx

— GNN (@gnnhdofficial) October 5, 2023

کہا کہ آپ مجھے جج ہمایوں دلاور سمجھتے ہیں ؟ کیا جج ہمایوں دلاور انسان نہیں تھے اللہ نے اگر سائفر کیس کا فیصلہ میرے ہاتھوں سے کروانا ہوا تو میں ہی کروں گا ۔

انہوں نے کہا کہ اڈیالہ جیل میں 22 سو ملزمان کی جگہ ہے لیکن اس جیل میں 7 ہزار قیدی رکھے ہوئے ہیں ۔