نوازشریف 21اکتوبر کووطن واپس آئیں گے اور چوتھی بار وزیراعظم بنیں گے ،خواجہ آصف

مسلم لیگ ن کے مرکزی رہنما خواجہ آصف کا کہنا ہے کہ پی ٹی آئی کا 4 سالہ دور حکومت تباہی کا دور تھا ۔

ملک میں ہر طرف افراتفری کی صورت حال ہے ، پی ٹی آئی کی 4 سالہ کارکردگی کے اثرات اس وقت سامنے آ رہے ہیں جب ملک کو مختلف چیلنجز کا سامنا ہے ۔

انہوں نے عثمان ڈار کی والدہ کے بارے میں کہا کہ عثمان ڈار کی والدہ میری عزیزہ ہیں وہ مجھ پر الزام ترشی کرنے کے بجائے پہلے اپنے بیٹے سے تو اس بات کی تصدیق کریں کہ کونسی بات ان سے گن پوائنٹ پر کہلوائی گئی ہے کہا کہ گھر میں ہی اگر وہ اس معاملے کو حل کرلیں تو ان کو ان کےگھر میں ہی ساری باتوں کا جواب مل جائے گا ۔

انہوں نے کہا کہ نواز شریف 21 اکتوبر کو واپس آ رہے ہیں ، نواز شریف ملک کے وزیرا عظم بنیں گے اور ملک کو اس مشکل حالات سے نکالیں گے ۔

کہا نواز شریف کو کس طرح دیوار کےساتھ لگایا گیا سب جانتے ہیں ، سوشل میڈیا پر تمام شواہد موجود ہیں کہ نوازشریف بے قصور تھا ۔