پاکستان کو مشرق وسطیٰ کی صورتحال پرنہایت تشویش کا اظہار ہے،پاکستانی ترجمان

اسلام آباد: پاکستان نے کہا کہ وہ مشرق وسطیٰ میں ابھرتی ہوئی صورتحال اور اسرائیل اور فلسطینیوں کے درمیان مخاصمت کے بھڑکنے پر گہری نظر رکھے ہوئے ہے۔

 ایک بیان میں دفتر خارجہ کی ترجمان ممتاز زہرہ بلوچ نے کہا کہ ہمیں بڑھتی ہوئی صورتحال تشویش ہے کہ کس طرح مسلمانوں کو مارا جا رہاہے اور ان کے حقوق غصب کیے جارہے ہیں ۔  انہوں نے کہا کہ پاکستان نے بین الاقوامی قانون اور متعلقہ اقوام متحدہ اور او آئی سی کی قراردادوں کے مطابق مسئلہ فلسطین کے منصفانہ جامع اور دیرپا حل کے ساتھ مشرق وسطیٰ میں پائیدار امن کی کلید کے طور پر دو ریاستی حل کی مسلسل وکالت کی ہے۔ 

 انہوں نے کہا کہ 1967 سے پہلے کی سرحدوں کی بنیاد پر فلسطین کی ایک قابل عمل خودمختار اور متصل ریاست قائم کی جانی چاہیے جس کا دارالحکومت القدس الشریف ہو۔ ترجمان نے کہا کہ ہم عالمی برادری سے دشمنی کے خاتمے شہریوں کے تحفظ اور مشرق وسطیٰ میں دیرپا امن کے لیے اکٹھے ہونے کا مطالبہ کرتے ہیں۔