بالی ووڈ اداکارہ اسرائیل میں پھنس گئی

بالی ووڈ اداکارہ نشرت بھروچا فلسطینی مزاحمتی تنظیم اور غزہ کی حکمراں جماعت حماس کے آپریشن طوفان الاقصی کے دوران اسرائیل میں پھنس گئی.

بھارتی میڈیا کے مطابق نشرت بھروچا 39 ویں حائفہ انٹرنیشنل فلم فیسٹیول کے لیے اسرائیل گئی تھیں۔

اس فلم فیسٹیول میں اُن کی فلم اکیلی کو منتخب کیا گیا تھا اور گزشتہ روز حماس کے اسرائیل پر حملے کے بعد بالی ووڈ اداکارہ وہیں پھنس گئی ہیں۔

اداکارہ کی ٹیم نے بتایا کہ  اُن سے رابطہ ہوگیا ہے اور نشرت بھروچا کو بحفاظت اسرائیل کے ائیرپورٹ پر پہنچا دیا گیا ہے۔

بالی ووڈ اداکارہ کی ٹیم نے مزید کہا کہ ہم نشرت کو بحفاظت بھارت واپس لانے کی کوشش کر رہے ہیں اور امید ہے کہ وہ جلد ہی بھارت پہنچنے کے لیے اڑان بھریں گی