آرگنائزیشن آف اسلامک کارپوریشن کا فلسطینی سرزمین پر اسرائیل کی بڑھتی ہوئی کشیدگی پر تشویش کا اظہار

اسلام آباد: آرگنائزیشن آف اسلامک کارپوریشن نے اتوار کے روز مقبوضہ فلسطینی سرزمین میں خطرناک اسرائیلی بڑھوتری پر گہری تشویش کا اظہار کیا ہے۔

 جنرل سیکرٹریٹ نے ایک بیان میں کہا کہ اسرائیل کی استثنیٰ نے اسے اپنی پالیسی پر قائم رہنے کی ترغیب دی ہے جو پوری طرح سے انسانیت کے خلاف جنگی جرم کے مترادف ہےبیان میں فلسطینی عوام کو بین الاقوامی تحفظ فراہم کرنے اور 1967 کی سرحدوں پر مشرقی القدس کے دارالحکومت کے طور پر ایک آزاد خودمختار فلسطینی ریاست کے قیام کے لیے ایک قابل اعتماد سیاسی عمل کی سرپرستی کرنے پر زور دیا گیا ہے۔

او آئی سی نے کہا کہ بین الاقوامی قانونی جواز کے مطابق دو ریاستی حل کے وژن پر مبنی منصفانہ اور جامع امن کے حصول کے لیے آگے بڑھنا چاہیے۔ گزشتہ روز سے غزہ کی پٹی پر اسرائیلی فضائی حملوں میں 300 سے زائد فلسطینی شہید ہو چکے ہیں۔ 

فلسطینی محکمہ صحت کے حکام نے بتایا کہ شہید ہونے والے کم از کم 313 شہریوں میں 20 بچے بھی شامل ہیں۔ ان کا کہنا تھا کہ تقریباً 2000 لوگ زخمی ہوئے ہیں۔ رات بھر غزہ پر اسرائیلی فضائی حملوں سے عمارتیں اور گنجان آباد علاقوں میں مکانات تباہ ہو گئے۔ جیٹ طیاروں نے صبح سے غزہ پر دوبارہ حملے شروع کر دیے اور فوج ناکہ بندی والے انکلیو کے گرد کلیئرنگ آپریشن کر رہی ہے۔