مسجد میں نماز کے دوران فائرنگ سے دو افراد جاں بحق، ایک زخمی

ڈسکہ: منڈیکی کے علاقے ڈسکہ میں نماز فجر کے دوران مسجد میں نمازیوں پر فائرنگ سے 2 افراد جاں بحق جب کہ ایک زخمی ہوگیا۔

تفصیلات کے مطابق ڈسکہ پولیس کا کہنا ہے کہ منڈیکی میں مسلح افراد نے مسجد میں گھس کر نمازیوں پر فائرنگ کردی جس کے نتیجے میں دو افراد موقع پر ہی جاں بحق ہوگئے۔

پولیس نے مزید بتایا کہ نماز فجر کے وقت تین نامعلوم موٹر سائیکل سواروں نے فائرنگ کی۔ مقتول کی شناخت شاہداور ہاشم کے نام سے ہوئی ہے۔

ڈسٹرکٹ پولیس آفیسر (ڈی پی او) سمیت ڈسکہ پولیس کی بھاری نفری موقع پر پہنچ گئی۔ ملزمان کی گرفتاری کے لیے ناکہ بندی کر دی گئی۔