کراچی میں کل سےشدید گرمی کی پیشگوئی ، ہیٹ ویو کا خدشہ

تفصیلات کے مطابق  محکمہ موسمیات نے سمندر میں غیرمعمولی سرگرمی کے باعث کراچی میں ہیٹ ویو کا خدشہ ظاہر کردیا۔ بحیرہ عرب میں موجود ہوا کے کم دباوُ کی شدت بڑھنے لگی، ہوا کے کم دباو کا کراچی سے فاصلہ 1650کلومیٹر ہے۔سمندر میں غیرمعمولی سرگرمی کا رخ شمال مغرب بھارت کی جانب ہوگا۔ آج رات گئے سے ہوا کا کم دباوُ ڈپریشن میں تبدیل ہونے شروع ہوجائے گا جس کے سبب کراچی میں 15 سے 17 مئی کے دوران موسم گرم شدید گرم رہنے کا امکان ہے۔

سمندری ہوائیں منقطع ہونے سے پارہ سے 40 سے 42 ڈگری کو چھو سکتا ہے البتہ دن کے اوقات میں شمال مشرق سے ہوائیں چلنے کی توقع کی جارہی ہیں۔ محکمہ موسمیات کا ٹروپیکل سائیکلون سینٹر بحیرہ عرب میں اس سرگرمی کو مسلسل مانیٹر کررہا ہے ، محکمہ موسمیات کا کہنا ہے کہ ہوا کے کم دباوُ کی وجہ توکتے نامی سمندری طوفان ہے تاہم اس طوفان سے پاکستانی ساحلی پٹی کو کوئی خطرہ نہیں ہے لیکن ماہی گیروں کو محتاط رہنے کی ہدایت کردی ہے۔